Menu Tutup

“Sasirangan” Kain Khas Suku Banjar Dengan Proses Pewarnaan Rintang

Sasirangan adalah kain nang manggambarakan budaya khas wan idintitas sandang buhan etnis Banjar di prupinsi Kalimantan Selatan.

Ngaran “Sasirangan” berasal matan kata “sirang” nang baarti dijarat atawa dijahit lawan tangan lalu dijuhut benangnya atau dalam istilah bahasa jahit-manjahit disambat “jelujur”.

Bahari, kain sasirangan dipakai gasan ikat kapala (laung), gasan ikat pinggang dipakai kaum lakian wan gasan kakamban, karudung, atau udat (kemben) oleh buhan binian. Kain ini dipakai jua gasan pakaian adat pada upacara-upacara adat, bahkan dipakai pada acara tatamba urang garing. Tagal wayahini, kain sasirangan kada dipakai gasan acara spiritual haja. Kain sasirangan sudah manjadi pakaian gasan kagiatan sahari-hari.

Disain/corak didapat dari teknik-teknik jahitan wan jaratan nang ditantuakan ulih babarapa faktur, salain dari kumpusisi warna wan efek nang timbul, nang kaya : macam jujut (benang)/jenis bahan gasan menjarat.

Kain Sasirangan banyak banar diulah wan dipruduksi ulih pangusaha industri di dairah Kalimantan Selatan baik skala ganal maupun halus. Cara maulah kain sasirangan di Kalimantan Selatan kabanyakan masih mamakai cara tradisiunal nang kada parlu mamakai masin cetak.

Ulih karana itu maulah kain sasirangan ini rancak banar dimasukakan gasan bahan palajaran Muatan Lokal di sakulah-sakulah.

Tinggalkan Balasan

Alamat email Anda tidak akan dipublikasikan. Ruas yang wajib ditandai *